TULAI KRISTIEN

 TULAI   KRISTIEN   12.02.15   10.25 PM

-John L.Parate

1.

Kimtea dâwn changin,

Tulai kristien tak changlo ei tam ta ngei;

Ei thil thaw hai thaw țha’n ei inngai sie.

Insuot chieng a hun tah ei lamhraw hih.

     Aw unau i la kuon zing am?

     I thlarau chan rêng i dâwn sie nawh;

     Insier na hun tha i neilai hin

     Hung raw(2) tiin Lalpa’n a la nghâk zing che

2.

Ei hmabâk rêng dâwn lovin

Khawvêl,
l hlimna zawngin eilo pârtlân maw;
Ei kristien nundan insuot chieng a hun.
In pela Lalpa’n  a la hmangai che.

3.

Ei nundan rêng hang thlr ta’m,

Simna țhanglo piengthar a hun tâwk nawh;

Sienkhawm ei dit thlangna a ni sie maw,

Aw unau, Lalpa’n a la ko zing che.

RINGTU NUN

RINGTU NUN    04.05.17 4:41am

- John L.Parate

1. 

Hnuoi ansedawngah hin lâwmna a kim thei nawh,

Pawimaw le țul hnawtin hringnun ei khallai hin,

Ei thlarau ngei khawm suk châuin a mi siem rawp hlak,

Iengtin am Lalpa tih a kan Dawn ni chun, hieng hin amilo hril;

[Ringtu  nun hi a hlim hlak ding a nih.

Khawvêl inthim mup khêlah a ta dingin beseina kâwl a êng si a.

Khawvêlah chatuon dai hlimna a um nawh.

Krista ditzawnga Fe peihai ruok Chun lawmna chu Chang an tih.]

2. 

Nitin hin phurrik, mangangna kan tuok pei a;

Lalpa I malsâwmna kan dawng kan hriet fûk ta nawh,

I hmangai enkawlna dawng zing hlak inla khawm,

Chierna le buoina ding ngawt kan ngaituo lem rawp leiin.

3.

Amihai lunginzingna’n a delde chu a ditzawng a'n nawh.

Khawvêl suolna le suol-a inthawka lakhmang a tum naw a;

Phen ding thatak ruok chu a kawkhmu lem a nih.

Thlamuongtakin um ro, keiin khawvêl ka ngam tah ti zîek ani si.

HNE PEI KA TIH

HNE PEI KA TIH    01.05.17  6:00am

-John L.. PARATE

Beidawngna khurruoma ka tlâk ni hin,

Thlêmna tin reng an lo pungkhâwmna chun,

Santu ngaiin kan vai vêl ruoi ruoi ie;

Sienkhawm, Santu ding kan vai tih a ka khêk ni chun,

Ka nau lunginzing naw, tiin a mi dawn.

Suol dangchâr ngawi ngawiin,

Mi man tumin mi beizing hlak a tih.

Sienkhawm ka Lal hrâtna ring zing pumin;

Hne pei ka tih, aw zion nauhai.

A mi sukhrattu Krista zar a chun iengkim ka thawthei a nih 

Thlasie ngawi ngawi a ka um châng ni hin,

Mi thlamuongtu ding neiin kan hriet ngai sie nawh.

Ka Lal hmel khawm a hliekhuozo bawk hlak;

Mittui le ka Lal ka pan ni chun nun hadamna a mi pêk,

Iengkim damna chu a lo kawl zing sie!

Beiseina hrim hrim ka nei naw ka ti laiin,

Beiseina thar a mi pêk nawkna hi a nih.

Pa hmangaina a'nlang nawkna hmun chu;

Ka taksa le thlarau  kan hlân faivawng ni chun,

Ka hrêngkawl nun chu ami sûtpêk tah.